जसपा विवादको मुद्दाको सुनुवाइ निर्वाचन आयोगको इजलासमा शुरु

जनता समाजवादी पार्टी (जसपा)को आधिकारिकता विवादसम्बन्धी मुद्दाको सुनुवाइ निर्वाचन आयोगको इजलासमा शुरु भएको छ ।

बिहीबार बिहान ११ बजेदेखि आयोगको इजलासमा जसपाको आधिकारिकता विवादसम्बन्धी मुद्दाको सुनुवाइ शुरु भएको आयोगका सहायक प्रवक्ता कोमलप्रसाद धमलाले जानकारी दिनुभयो ।

उहाँको अनुसार आयोगले आजै बहस सक्ने गरी तयारी गरेको छ । उहाँले दुवै पक्षका तीन–तीन जना कानुन व्यवसायीबाट बहस गर्नुहुने र अरु अधिवक्ताले केही भन्न चाहनुहुन्छ भने बहस नोट लेखेर दिन सक्नुहुने बताउनुभयो । तर, आजै निर्णय हुन गाह्रो हुने उहाँले बताउनुभयो ।

जसपाको आधिकारिकता दाबी गर्दै जसपाका अध्यक्षद्वय महन्थ ठाकुर र उपेन्द्र यादवले निर्वाचन आयोगमा निवेदन दिनुभएको थियो ।

निर्वाचन आयोगले जसपाको आधिकारिकता निरुपण गर्न प्रमुख निर्वाचन आयुक्त दिनेश थपलियाको नेतृत्वमा इजलास गठन गरेको थियो ।

साउन ३ गतेदेखि इजलासमा आधिकारिकता विवादसम्बन्धी मुद्दाको सुनुवाइ शुरु भएको थियो । पहिलो चरणको बहस सकिएपछि आयोगदले दुवै पक्षलाई आआफ्नो सक्कल प्रमाण पेस गर्न आदेश दिएको थियो । गाेरखापत्र अनलाइनबाट

प्रतिक्रिया लेख्नुहाेस्

Please enter your comment!
Please enter your name here