सिमकोट । हुम्लाको नाम्खा गाउँपालिकाले होम्लु भोटेलामा भाषाको व्याकरणको प्रारम्भिक खाका तयार गरेको छ ।

गाउँपालिकाका सबै विद्यालयमा मातृभाषाको रुपमा होम्लु भोटेलामा भाषाको पठनपाठन सुरु गर्न गाउँपालिकाले व्याकरण तयार गरेको हो ।

व्याकरण वडा नम्बर २ केमीका स्थानीय कुन्जोक लामाले आठ महिना लगाएर तयार पारेका हुन् ।
उनले भाषा आयोगको समन्वय र गाउँपालिकाको सहयोगमा व्याकरणको प्रारम्भिक खाका तयार पारेका हुन् ।

व्याकरणमा १०३ अक्षरलाई समेटेर तयार गरिएको छ । पाँच अनुच्छेदमा तयार पारिएको व्याकरणले सिंगो नाम्खा गाउँपालिकामा बस्ने १७ बस्तीका लामा समुदायले बोल्ने मातृ भाषाको संरक्षण हुनेछ ।

स्थानीय स्तरका विज्ञहरुको सुझाब संकलन गरि समेटिएको व्याकरणलाई भाषा आयोगले छानबिन र अध्ययन पश्चात मान्यता दिएपछि मात्र यसले कार्यान्वयन पाउने छ ।

गाउँपालिका अध्यक्ष विष्णुबहादुर लामाले गाउँपालिकामा रहेका सबै विद्यालयमा एक एक कक्षामा मातृभाषाको पठन पाठन कार्य सुरु गर्नका लागि होम्लु भोटलामा भाषाको व्याकरण तयार गरिएको बताए ।

अध्यक्ष लामाले व्याकरणले भाषा आयोगबाट मान्यता पाए गाउँपालिकाले स्थानीय पाठ्यक्रम निर्माण गरेर सबै विद्यालयमा होम्लु भोटलामा भाषाको पठन पाठन सुरु गर्ने बताए ।

प्रतिक्रिया लेख्नुहाेस्

Please enter your comment!
Please enter your name here