काठमाडौं । नेपालका करिब बीस लाख मगरहरुको प्रतिनिधित्व गर्दै निर्माण गरिएको मगर राष्ट्रिय गीत ‘जय मगर’ सार्वजनिक गरिएको छ ।

मनास्लु मिडिया प्रा.लि.को तेस्रो वार्षिकोत्सवको अवसरमा शुक्रबार काठमाडौंको राष्ट्रिय नाचघरमा आयोजित कार्यक्रम गरी उक्त गीत सार्वजनिक गरिएको हो ।


गीतको रचना र संगीत मनबहादुर पुनको छ । उनी पत्रकार तथा लेखक समेत हुन् । उनी प्रालिका अध्यक्षका साथै मनास्लु पोष्ट डटकमका प्रधान सम्पादक समेत हुन् ।

मगर राष्ट्रिय गीतमा ५१ जना मगर गायक तथा गायिकाहरुको स्वर छ । यो नै यसको प्रमुख विशेषता हो ।
संघीय संसदको शिक्षा तथा स्वास्थ्य समितिको सभापति जयपुरी घर्तीबाट उक्त गीत सार्वजनिक गरिएको हो । उक्त गीत युट्युबको मनास्लु टिभीमा राखिएको छ । सो अवसरमा विभिन्न क्षेत्रका ३१ जना व्यक्तिहरुलाई कला मनोरञ्जनका विधा अनुवार अवार्ड समेत वितरण गरिएको थियो ।

 

प्रतिक्रिया

Please enter your comment!
Please enter your name here