ललितपुर । आदिवासी जनजाति उत्थान राष्ट्रिय प्रतिष्ठानले शाखा अधिकृत र नायब सुब्बा तहको निःशुल्क लोकसेवा तयारी कक्षा सञ्चालन गर्ने भएको छ ।

प्रतिष्ठानले उक्त कक्षा सञ्चालन गर्न इच्छुक फर्म, संस्था वा कम्पनीहरुले १५ दिनभित्रमा प्रतिष्ठानमा लिखित आशयपत्र पेस गर्नुपर्ने सार्वजनिक सूचना प्रकाशित गरेको छ ।
उक्त सूचना गत भदौ २६ गते प्रकाशित गरिएको हो ।

प्रतिष्ठानले निःशुल्क लोकसेवा तयारी कक्षामा सहभागी हुनका लागि आदिवासी जनजाति समुदायका व्यक्तिहरुलाई ललितपुर सानेपामा रहेको आफ्नाे कार्यालयमा दरखास्त पेस गर्न अपिल गरेको छ ।

प्रतिष्ठान शाखा अधिकृत राम मादेनका अनुसार प्रतिष्ठानले यसवर्ष शाखा अधिकृततर्फ ५० र नायब सुब्बातर्फ ५० जनालाई छनोट गरी लोकसेवा तयारी कक्षा चलाउने छ ।

शाखा अधिकृत र नायब सुब्बाको दुई दुईवटा कक्षा हुनेछन् ।

यसका लागि प्रतिष्ठानले ३० लाख रुपैयाँ बजेट विनियोजन गरेको छ । लोकसेवा तयारी कक्षामा सहभागी हुन चाहनेहरुबाट छनोट गरी जम्मा सय जनालाई कक्षा चलाइनेछ ।

तीन महिनासम्म सञ्चालन हुने लोकसेवा तयारी कक्षाको अनुमगन प्रतिष्ठानले गर्नेछ ।

1 COMMENT

  1. It should be continued every year and facilitate the indigenous people those who are deprived from right and economic activity….

प्रतिक्रिया

Please enter your comment!
Please enter your name here