काठमाडाैं । नवलपरासीको प्रतापपुर गाउँपालिका–९ की सुमित्रा धवल मंगलबार खेतको डिलमा बसेर एक तमासले सुकेका उखु हेरेर टोलाउँदै थिइन् ।

घर सामुन्नेको ६ कठ्ठा खेतमा उनले २०७४ को फागुनमा उखु लगाएकी हुन् । जुन उखु उनका लागि रगत, पसिना सबथोक हो । १० जनाको परिवार पाल्ने एकमात्रै आयस्रोत हो ।

तर त्यही उखुले अहिले उनलाई दिनको भोक न रातको निन्द्रा बनाएको छ । वर्ष दिन मेहनत र पसिना खेतमा सुकेर सोत्तर बनेपछि हातगोडा छाडेका छन् ।

केही दिनअघिको असिना पानीले तीनै उखु पनि ढलेर आधा कुहिएका छन् । ‘हामी लुटियौँ । बर्बाद भयौँ । उखु खेतमै सुक्यो मेरा बालबच्चा पनि सुक्ने भए,’ सुमित्राले दुखेसो पोखिन् ।

यो समाचार आजको नागरिक दैनिकमा रेखा भुसालले लेखेकी छिन् ।

LEAVE A REPLY

Please enter your comment!
Please enter your name here