रौतहट । बाराको परसौनी गाउँपालिकामा महाविनाशकारी हावाहुरीपीडित परिवारलाई राहत वितरण गरिएको छ ।
गत चैत १७ गतेको हावाहुरीबाट बारा र पर्सा जिल्लामा २९ जनाको मृत्यु भएको थियो भने १४ सय ५३ जनाको घर पूर्णरुपमा क्षति भएको प्रारम्भिक तथ्याङकले बताएको थियो ।
हावाहुरी प्रभावित बाराको परसौनी गाउँपालिकाको वडा नं ४ खुटवा जब्दी टोलका पीडित परिवारमा कुकर वितरण गरिएको छ ।
गरिब निसहायको दुःख तथा आर्थिक स्थिति धेरै दयनिय रहेकोमा रिपोर्टर्स क्लब नेपाल प्रदेश नं २ का कोषाध्यक्ष एवं मधेश मिडिया प्रालिका अध्यक्ष अभिमनु कुमार पटेलको विशेष पहलमा राहत वितरण गरिएको हो ।
हावाहुरी प्रभावित ७० वटा परिवारलाई प्रतिपरिवारमा एउटा कुकर वितरण गरिएको पत्रकार अभिमनु पटेलले जानकारी दिए । उनले हावाहुरीले घरबारबिहीन बनेका र आफन्त गुमाएकालाई सबैले सहानुभूति र सहयोग गर्नुपर्ने बताए ।
पर्सा जिल्लाका प्रभावशाली अभियनता प्रकाश थारु र राष्ट्रिय जनता पार्टी नेपालका केन्द्रिय सदस्य विवेक कुमार यादव लगायतको टोली राहत वितरणका लागि खुटवा जब्दी पुगेका थिए । राहत लिन आएका हावाहुरी प्रभावितले भने राहत वितरणमा धेरै राजनीति करण भएता पनि यो राहत हामी पीडित परिवालाई प्रत्येक्ष आफनो रोहबरमा वितरण गर्नुभएकोले खुशी लाग्यो ।
सर्लाही प्रवासी सेवा समाज कतार, नेपाल नगरपालिका संघ प्रदेश नं २ का अध्यक्ष तथा परोहा नगरपालिका प्रमुख शेख वकिल, प्रभाकर शाह फिलिपिन्सि, मो.मुस्ताक आलम कतार लगायत अन्य सहयोगीहरुको उपलब्ध समेत रहेको अभियनता पटेलले बताए ।
आफुले कुनै सहयोग कार्यको लागि अभियान सुरु गर्ने बितिकै म माथी बिस्वास गरेर देश बिदेशबाट राहत दिने सहयोग गर्ने सम्पूर्ण महान हृदय प्रति अभार व्यक्त गर्दै साधुवाद उहाँहरु हुन पटेलले बताए ।
सोही वडाका वडाअध्यक्ष नन्दु कुमार गुप्ता, बृजकिशोर साह, गण्डक प्रहरी चौकीका प्रमुख लगायत जनसमुदायको उपस्थितिमा सो राहत वितरण गरिएको अभियनता पटेलले बताए ।

प्रतिक्रिया

Please enter your comment!
Please enter your name here