अन्जना राई (अन्जु)
काठमाडौं (सार्वजनिक) । जिल्लाको मोलुङ गाउँपालिकामा बोलेरो दुर्घटना हुँदा २ जना घाइते भएका छन् । मोलुङ गाउँपालिकाको वडा नं. १ म¥याङमा बलेरो दुर्घटना हुँदा सुनकोशी १० का सरोज धमला र सोही वडाकी समिता घिमिरे घाइते भएका हुन् ।
घाइतेहरुको अवस्था सामान्य रहेको र दुवैको उपचारका लागि ओखलढुंगा सामुदायिक अस्पताल सोब्रुमा ल्याई उपचार भइरहेको जनाइएको छ । बा १८ च ८६०२ नम्बरको बोलेरो दिउँसो करीव ४ बजेतिर दुर्घटना भएको थियो ।
सदरमुकामवाट यात्रु र सामान लिएर सुनकोशी गाउँपालिकाको कटुञ्जे तर्फ जादै गरेको बोलेरो दुर्घटना भएको हो । रोकिराखेको बोलेरो आफै गुडेर २ मिटर अघि पुगेर दुर्घटना भएको प्रत्यक्षदर्शीहरुको भनाई उदृत गर्दै जिल्ला प्रहरी कार्यालयका सूचना अधिकारी देवेन्द्र दासले जानकारी दिनुभयो ।
निजी नम्बर प्लेटको उक्त गाडीमा ५ जना यात्रु रहेको बुझिएको छ । घटनाका सम्बन्धमा इलाका प्रहरी कार्यालय बरुणेश्वरबाट खटिएको टोलीले अनुसन्धान गरिरहेको छ ।
