काठमाडौँ (सार्वजनिक) । मार्च २२ अर्थात विश्व पानी दिवसको अवसरमा काठमाडौँ उपत्यकामा निःशुल्क पानी वितरण गरेको छ । चोकचोकमा सडकयात्रुहरुलाई शुद्ध पानी निःशुल्क वितरण गरिएको हो ।
उपत्यकाका २३ स्थानमा पानी प्रशोधन व्यवसायी संघ नेपालले निःशुल्क पिउने पानी वितरण गरेको व्यवसायी आकेश शेर्पाले जानकारी दिनुभयो ।
हरेक वर्ष मार्च २२ मा मनाइने विश्व पानी दिवसमा शुद्ध पानीको महत्व बुझाउन प्रभातफेरी समेत आयोजना गरिएको शेर्पाको भनाइ छ । प्रभातफेरी माइतीघर मण्डलादेखि रत्नपार्क हुँदै पुलिस क्लबसम्म पुगेर कोणसभामा परिणत भएको थियो ।
‘दुषित पानीकै कारण अनेक रोग लाग्ने भएकाले शुद्ध पानी पिउनुपर्छ’ व्यवसायी शेर्पाले भन्नुभयो, ‘प्रदूषित पानीको महामारी छ । यसले स्वास्थ्य त बिगारेको छ नै, सानो असावधानीका कारण ठूलो धनराशी पनि गुमाउनु परेको छ ।’
दिवसकै अवसरमा राजधानीको बेबिलोन इन्टरनेसनल स्कूलमा पानी सम्बन्धी चित्रकला पनि आयोजना गरिएको संघका महासचिव विराज आचार्यले जानकारी दिनुभयो ।